सोमवारी मुंबई महानगरपालिका सभागृहात स्थायी समिती, सुधार समिती, शिक्षण आणि बेस्ट समितीच्या सदस्यांची निवड प्रक्रिया पार पडली. नियमानुसार, विरोधी पक्षनेता हा ‘एक्स-ऑफिसिओ’ (पदसिद्ध) सदस्य म्हणून स्थायी समितीत जातो. मात्र, ठाकरे गटाने महापौरांकडे दिलेल्या नावांच्या यादीत किशोरी पेडणेकर यांचा नावाचा समावेश नसल्याचे समोर आले आहे. याच पार्श्वभूमीवर पालिकेच्या इतिहासात प्रथमच विरोधी पक्षनेत्याला स्थायी समितीचे सदस्यत्व मिळालेले नाही.
ठाकरे गटाच्या नेत्यांना असे वाटते की त्यांना सर्व समजते, पण प्रत्यक्षात त्यांना प्रशासकीय कामाचे शून्य ज्ञान आहे. विरोधी पक्षनेता हा आपोआप स्थायी समितीत जातो, हे त्यांना ठाऊक नव्हते. मातोश्रीवरून सांगण्यात आले की तुमचे नाव देऊ नका आणि त्यांनी ते मान्य केले. हा निव्वळ मूर्खपणा आहे, असेही संतोष धुरी यांनी म्हटले.
यावर किशोरी पेडणेकर नक्कीच नाराज असणार आहे. तुमचा केसांनी गळा कापला आहे. त्यांच्याकडे फक्त सभागृहापुरतेच पद उरले आहे. प्रत्येक समितीवर विशिष्ट गॉडफादरमुळे त्यांची वर्णी लागत होती, पण आता इतर वरिष्ठ नगरसेवकांकडे दुर्लक्ष करून चालणार नाही, हे मातोश्रीला समजले आहे, असेही संतोष धुरी म्हणाले.
Post a Comment